"Интер Майами" ҳужумчиси Лионель Месси яна иккита гол урди. Аргентиналик футболчи ўйиннинг 60 ва 75-дақиқаларида "Нью-Йорк Ред Буллз" дарвозасини икки марта ишғол қилди.
38 ёшли футболчи учун бу чемпионатнинг сўнгги етти учрашувидаги олтинчи дубль бўлди. Форвард "Монреал" (иккита ўйинда), "Колумбус Крю", "Нью-Инглэнд Революшн" ва "Нэшвилл" дарвозаларига икки марта гол киритди.
Бу даврда "Олтин тўп"нинг саккиз карра ғолибини фақат "Цинциннати" ўз ўрнига қўя олди – бу ўйинда "Майами" 0:3 ҳисобида мағлуб бўлди. МЛСнинг жорий мавсумида тўпурарлар рўйхатини 18 та гол билан Лионель Месси бошқариб турибди.
