Бильбаонинг "Атлетик" клуби "Ан-Наср" марказий ҳимоячиси Эмерик Ляпортнинг трансфери устида иш бошлади.
Шанба куни "басклар" 31 ёшли футболчи учун биринчи оғзаки таклифни юборди, дея хабар беради инсайдер Фабрицио Романо. "Ан-Наср" испаниялик футболчини ўз режаларига киритмайди ва жорий трансфер ойнасида у билан хайрлашишга тайёр. "Атлетик" ўзининг шогирдини қайтариш учун бор кучини сарфлайди.
Эмерик Ляпорт Саудия Арабистонида 2023 йилдан буён ўйнаб келмоқда. Охирги беш йил давомида у "Манчестер Сити"нинг шарафини ҳимоя қилган ва фаолиятини бошида "Атлетик"да ўйнаган ва жамоа таркибида 200 дан ортиқ ўйин ўтказган. Футболчининг Transfermarkt порталидаги нархи 15 миллион еврони ташкил қилади.
