Миланнинг "Интер" клуби ўнг қанот ҳимоячиси Дензел Дюмфрис яна Англияга ўтиши мумкин. Николо Скиранинг хабар беришича, "Астон Вилла" нидерландиялик футболчини ўз сафига қўшиб олмоқчи.
29 ёшли футболчининг "нерадзуррилар" билан шартномасида июль ойи охиригача 25 миллион евро тўлаш шарти мавжуд. "Барселона" ҳам Дензел Дюмфрисни кўзламоқда. Футболчининг "Интер" билан шартномаси 2028 йилнинг ўрталарига қадар тузилган ва унинг Transfermarkt порталидаги нархи 35 миллион еврони ташкил қилади. Ўтган мавсумда қанот ҳимоячиси миланликлар сафида барча мусобақаларда 47 та ўйинда майдонга тушиб, 11 та гол урди ва 6 та голли узатмани амалга оширди.
