Маркус Рэшфорд ўзининг энг яхши жисмоний ҳолатида эмас.
Маълумотларга кўра, "Барселона"га ўтаётган форвард тиззасидан олган жароҳатидан фориғ бўлмоқда ва каталонияликлар бундан хабардор.
Ушбу жароҳат туфайли "Манчестер Юнайтед" ҳужумчиси ижара асосида ўйнаган "Астон Вилла" ва Англия терма жамоасининг сўнгги ўйинларида иштирок этмади.
Бироқ, Рэшфорд деярли тузалиб кетди ва тиббий кўрикдан муаммосиз ўтиб, яқин орада асосий гуруҳ билан ишлашни бошлаши кутилмоқда.
Барча маълумотларга кўра, Маркус сешанба куни "Барселона"нинг янги трансфери сифатида тақдим этилади ва пайшанба куни жамоа билан Осиё бўйлаб саёҳатга жўнайди.
