Football Insider нашри хабарига кўра, "Астон Вилла" ярим ҳимоячиси Жейкоб Рэмзи яқин вақт ичида клубини ўзгартириши мумкин.
24 ёшли ярим ҳимоячи "Ноттингем Форест" эътиборини тортди, у аллақачон эҳтимолий трансфер бўйича музокараларни бошлаб юборган. Қайд этилишича, томонлар келишув шартларини муҳокама қилмоқда, бироқ музокаралар қайси босқичда экани ҳозирча маълум эмас.
Якунланган 2024/25 йилги мавсумда Рэмзи Бирмингем клубида 46 та ўйин ўтказиб, 4 та гол урди ва 7 та голли узатмани амалга оширди ва "Астон Вилла"нинг асосий таркибининг муҳим қисми бўлиб қолди.
