"Челси" ҳужумчиси Николас Жексоннинг келажаги "Манчестер Юнайтед" билан боғлиқ бўлиши мумкин.
The Sun нашри хабарига кўра, 25 ёшли сенегаллик футболчи фаолиятини Англия Премьер-лигасида давом эттириш ниятида бўлгани учун "Наполи" ва "Милан"дан келган таклифларни рад этган. Ҳозирда "Манчестер Юнайтед" форвардга асосий даъвогар сифатида кўрилмоқда.
"Манкунианликлар" Жексон учун тахминан 80 миллион фунт тўлашлари кутилмоқда. Ўтган мавсумда Жексон "Челси" сафида барча мусобақаларда 37 та ўйин ўтказиб, 13 та гол урди ва 6 та голли узатмани амалга оширди. Бироқ, мавсум охирида у Лиам Делапнинг келиши ва Жоау Педрунинг ўсиб бораётгани учун асосий таркибдан ташқарида қолди.
