"Наполи" трансфер бозорида иккита харид устида ишламоқда.
Журналист Жанлука Ди Марционинг хабар беришича, тез орада "Торино" посбони Ваня Милинкович-Савичнинг 22,5 миллион евро эвазига "Наполи"га трансфери расмийлаштирилиши кутилмоқда.
Клуб умумий суммани бўлиб-бўлиб тўлаш имкониятига эга бўлиш учун шартномада кўрсатилган 19 миллионлик товон пулидан кўпроқ тўлайди. Қарама-қарши йўналишда Сириль Нгонж 1 миллион евро эвазига ижара асосида 18 миллион еврога сотиб олиш имконияти билан ўтади.
Шунингдек, "Наполи" "Ювентус"дан Фабио Миретти трансфери устида ҳам фаол иш олиб бормоқда. Битим тўлиқ трансфер ёки сотиб олиш мажбурияти билан ижара сифатида расмийлаштирилиши мумкин.
21 ёшли ярим ҳимоячининг трансфери 10-15 миллион еврога баҳоланмоқда. "Наполи" футболчисига 4 йиллик шартнома ва йилига 1,5 миллион евро атрофида маош таклиф қилмоқда.
