32 ёшли ҳужумчи Хесе Родригес яна Испаниянинг "Лас-Пальмас" клуби футболчисига айланди. Клуб матбуот хизматининг маълум қилишича, ҳужумчи билан бир мавсумга мўлжалланган шартнома имзоланган.
Хесе Канар ороллари жамоасига учинчи марта келмоқда - у 2016/17 йилги мавсумда, шунингдек, 2021-2022 йилларда "Лас-Пальмас" шарафини ҳимоя қилган. Ўтган йилни футболчи Малайзиянинг "Дарул Тазим" жамоасида ўтказди.
Хесе Мадриднинг "Реал" клуби тарбияланувчиси ва испан футболининг собиқ юлдузи ҳисобланади. У "қаймоқранглилар"нинг асосий жамоаси сафида 94 та ўйинда майдонга тушиб, 18 та гол урган ва 15 та голли узатмани амалга оширган. У "Реал" билан бирга Чемпионлар Лигаси, Ла Лига, Кубок ва Испания Суперкубогида ғолиб чиқди.
