Мадриднинг "Реал" клуби футболчиси Давид Алаба жамоада қолиш учун қўлидан келган барча ишни қилади. Мураббийнинг ишончини қозониш ва "қаймоқранглилар" билан шартномани узайтириш учун ҳимоячи мавсумга фаол тайёргарлик кўришни бошлади.

Marca хабарига кўра, "Реал" раҳбарияти австриялик футболчи билан келаси йил ёзда тугайдиган меҳнат шартномасини узайтирмоқчи эмас. Мураббийлар штаби Алабани асосий таркиб футболчиси сифатида кўрмаяпти. Аввалроқ, "қаймоқранглилар" ҳимоячини сотмоқчи ёки ижарага бермоқчи экани ҳақида хабарлар тарқалган эди.

Ушбу ҳолатлар туфайли Алаба унинг овқатланиши, дам олиши ва жисмоний машқларини назорат қилувчи мутахассислар жамоасини ёллаган. Австриялик футболчи мавсумни юқори савияда ўтказмоқчи.