Madridning "Real" klubi futbolchisi David Alaba jamoada qolish uchun qo‘lidan kelgan barcha ishni qiladi. Murabbiyning ishonchini qozonish va "qaymoqranglilar" bilan shartnomani uzaytirish uchun himoyachi mavsumga faol tayyorgarlik ko‘rishni boshladi.
Marca xabariga ko‘ra, "Real" rahbariyati avstriyalik futbolchi bilan kelasi yil yozda tugaydigan mehnat shartnomasini uzaytirmoqchi emas. Murabbiylar shtabi Alabani asosiy tarkib futbolchisi sifatida ko‘rmayapti. Avvalroq, "qaymoqranglilar" himoyachini sotmoqchi yoki ijaraga bermoqchi ekani haqida xabarlar tarqalgan edi.
Ushbu holatlar tufayli Alaba uning ovqatlanishi, dam olishi va jismoniy mashqlarini nazorat qiluvchi mutaxassislar jamoasini yollagan. Avstriyalik futbolchi mavsumni yuqori saviyada o‘tkazmoqchi.













