"Барселона" Х ижтимоий тармоғида баёнот эълон қилди, унда "кўк-анорранглилар" дарвозабони Марк-Андре тер Штеген бел қисмидаги операцияни муваффақиятли ўтказгани ҳақида хабар берди.
"Биринчи жамоа посбони Марк-Андре тер Штеген бел қисмидаги навбатдаги операцияни муваффақиятли ўтказди. Бу операцияни доктор Амели Леглиз Бордо спорт клиникасида клуб тиббий хизмати назорати остида амалга оширди. У ўйинларда қатнаша олмайди. Унинг тикланиш жараёни унинг қачон қайтиши мумкинлигини аниқлайди", - дейилади "Барселона" хабарида.
Олдинроқ ОАВ 33 ёшли дарвозабоннинг тикланиш даври тўрт ой бўлиши мумкинлигини хабар қилганди.
