"Барселона" жорий трансфер ойнасида ўнг қанот ҳимоячиси Эктор Форт билан хайрлашишга тайёр.
Каталония гранди 18 ёшли футболчини сотувга қўймоқчи, бироқ у кетмоқчи эмас, дея хабар бермоқда Diario Sport. Ёш латерал доимий ўйин амалиётига эга бўлмаса-да, қолишни афзал кўради.
Эктор Фортнинг "Барселона" билан амалдаги шартномаси келаси йили якунига етади ва унинг машҳур Transfermarkt сайтидаги нархи 10 млн еврони ташкил этади. Ўтган мавсумда испаниялик футболчи Ханс-Дитер Флик жамоаси сафида барча мусобақаларда 20 та ўйинда майдонга тушиб, самарали ҳаракат қилмаган.
