Миланнинг "Интер" клуби "Ювентус" вингери Николас Гонсалесни сотиб олишни режалаштирмаяпти.
Аргентиналик футболчи "нерадзуррилар" учун "Аталанта" футболчиси Адемола Лукман бўйича музокараларда муваффақиятсизликка учраган тақдирда ҳужумни кучайтиришнинг муқобил варианти сифатида кўрилганди. Журналистлар Фабрицио Бьязина ва Даниэле Марининг маълум қилишича, бу маълумотлар ҳақиқатга тўғри келмайди. "Интер" миш-мишларга қарамай, "кекса синьора"нинг 27 ёшли футболчиси номзодини кўриб чиқмаяпти.
"Ювентус" ёзда Николас Гонсалес билан хайрлашмоқчи - футболчи жамоа бош мураббийи Игор Тудорнинг режаларига мос келмаяпти. Transfermarkt портали вингернинг нархини 24 млн еврога баҳоламоқда.
