"МЮ"нинг собиқ футболчиси Луи Саа "қизил иблислар" дарвоза чизиғини кучайтириш бўйича ўз истакларини билдирди. Унинг фикрича, Эмилиано Мартинес жамоа учун идеал дарвозабон бўлиши мумкин.
Жаҳон чемпиони ҳисобланган аргентиналик футболчи ҳозирда "Астон Вилла" шарафини ҳимоя қилмоқда. "Манчестер Юнайтед" футболчини ўз сафига қўшиб олишга уриниб кўрди, аммо бирмингемликлар рад жавобини беришди.
"Мартинес - етакчи ва ғолиб. Унда характер бор ва у сўнгги мавсумда Андре Онанага баъзан етишмаган мувозанатни таъминлай олади. Ҳа, Андре ўзига ишонган дарвозабон, бироқ жуда кўп хатоларга йўл қўйди," - дея Саанинг сўзларини келтиради Goal портали.
Саанинг фикрича, Эмилиано ҳам хато қилиши мумкин, аммо янги рақобат Онананинг фойдасига ишлайди.
