"Аталанта" ҳужумчи Адемола Лукманни "Интер"га қўйиб юборишни режалаштирмаяпти, шунинг учун миланликлар ҳужумни кучайтиришнинг бошқа вариантларини ўрганмоқда.

Журналист Маттео Мореттонинг ёзишича, агар бергамоликлар яқин кунларда нигериялик футболчи бўйича таклифга рози бўлмаса, "Интер" асосий эътиборни "Челси"дан Кристофер Нкунку трансферига қаратади. Французни ўз томонига оғдириш осонроқ бўлиши кутилмоқда, чунки "аристократлар" ундан фойдаланмоқчи эмас, футболчининг ўзи ҳам кетишни хоҳлаяпти.

Кристофер Нкункунинг машҳур Transfermarkt порталидаги нархи - 35 млн евро. 27 ёшли форварднинг "Челси" билан шартномаси 2029 йилнинг ярмигача мўлжалланган.