"Челси" форварди Армандо Броя ёзда клубни тарк этиши мумкин. "Кўклар" ўтган мавсумни ижара асосида "Эвертон"да муваффақиятсиз ўтказган албаниялик футболчига умид қилмаяпти. The Athletic хабарига кўра, 23 ёшли футболчи қийинчиликларга дуч келганига қарамай, Лондон гранди унга жуда қиммат нарх белгилаган - 25 млн фунт (тахминан 29 млн евро).
Армандо Броя "Эвертон" сафида 11 та ўйинда майдонга тушиб, гол ура олмади. Футболчи жароҳати туфайли мавсумнинг катта қисмини ўтказиб юборди.
Transfermarkt портали Броянинг нархини 12 млн еврога баҳоламоқда. Ҳужумчининг "Челси" билан шартномаси 2028 йилнинг ёзигача мўлжалланган.
