Финал учрашувидан сўнг матбуот анжуманида Луис Фелипе Сколари табиийки, Бразилия терма жамоасининг муваффақиятидан хурсанд эканини яшириб ўтирмади.

"Биз ҳаммани ютган Жаҳон чемпионларига қарши ўйнадик. Ўз услубимизда ҳаракат қилишга уриндик, лекин ўйиннинг бориши ҳеч ким кутмаган тарафга қараб кетди.

Бразилия термаси билан соврин юта олганимдан хурсандман. Бу жуда ажойиб ҳиссиёт. Биз жамоа атрофимила яхши муҳитни ярата олдик. Келажакка оптимистик руҳ билан боқиш учун барча асосларимиз бор. ЖЧ-2014да яхши қатнашиш учун мана шу муҳитни сақлаб қолишимиз керак", дейди Сколари.