Англиянинг "Вулверхэмптон" клуби ёзги тўртинчи трансферига яқин турибди. Бу ҳақда инсайдер Фабрицио Романо ўз ижтимоий тармоқларида маълум қилди.
"Бўрилар" ҳимоячи Давид Мёллер Волфени ўз сафига қўшиб олишга қизиқиш билдирмоқда. 23 ёшли норвегиялик айни дамда Нидерландия чемпионатининг "АЗ Алкмаар" клуби шарафини ҳимоя қилмоқда. Манбага кўра, уни сотиб олиш 11 миллион еврога тушади.
Футболчи Нидерландия ва Норвегиядаги ўйинлари билан танилган. Шунингдек, у позицияни тўғри танлаши ва жисмоний томондан бақувватлиги билан ҳам машҳур. Ўтган мавсумда у клуб миқёсида 47 та ўйинда майдонга тушиб, 8 та огоҳлантириш ва 2 та четлатиш (1 та тўғридан-тўғри), 3 та гол урди ва 8 та голли узатмани амалга оширди.
Девид аллақачон тиббий кўрикдан ўтиш учун жамоа жойлашган жойга йўл олган эди. Уни сотиб олиш учун "Вулверҳемптон"дан ташқари "Лилл" ҳам даъвогарлик қилаётганди.
