Angliyaning "Vulverxempton" klubi yozgi to‘rtinchi transferiga yaqin turibdi. Bu haqda insayder Fabrisio Romano o‘z ijtimoiy tarmoqlarida ma’lum qildi.

"Bo‘rilar" himoyachi David Myoller Volfeni o‘z safiga qo‘shib olishga qiziqish bildirmoqda. 23 yoshli norvegiyalik ayni damda Niderlandiya chempionatining "AZ Alkmaar" klubi sharafini himoya qilmoqda. Manbaga ko‘ra, uni sotib olish 11 million yevroga tushadi.

Futbolchi Niderlandiya va Norvegiyadagi o‘yinlari bilan tanilgan. Shuningdek, u pozisiyani to‘g‘ri tanlashi va jismoniy tomondan baquvvatligi bilan ham mashhur. O‘tgan mavsumda u klub miqyosida 47 ta o‘yinda maydonga tushib, 8 ta ogohlantirish va 2 ta chetlatish (1 ta to‘g‘ridan-to‘g‘ri), 3 ta gol urdi va 8 ta golli uzatmani amalga oshirdi.

Devid allaqachon tibbiy ko‘rikdan o‘tish uchun jamoa joylashgan joyga yo‘l olgan edi. Uni sotib olish uchun "Vulverhempton"dan tashqari "Lill" ham da’vogarlik qilayotgandi.