Нидерландиялик хавбек Хави Симонс "РБ Лейпциг" машғулотларини ўтказиб юборди, бу ҳақда нуфузли инсайдер Фабрицио Романо ижтимоий тармоқлар орқали хабар берди.
Журналистнинг ёзишича, ярим ҳимоячининг йўқлиги унинг Лондоннинг "Челси" клубига трансфери билан боғлиқ. Клублар музокаралар олиб бормоқда ва ёзги трансфер ойнасида келишувни расмийлаштиришга яқин турибди.
Хави немис клуби билан 2027 йилнинг ярмигача шартнома бўйича боғланган. Футболчининг нархи 70 миллион еврони ташкил этади.
2024/2025 йилги мавсумда хавбек "буқалар" сафида 33 та ўйинда майдонга тушди. Симонс 11 та гол ва 8 та голли узатмани ўз ҳисобига ёздириб қўйди.
