Fichajes портали журналистлари шов-шувли инсайдлар билан мухлисларни хурсанд қилишдан чарчамаяпти. Баъзиларига ишониш қийин. Масалан, портал саҳифаларида "Манчестер Юнайтед" "Реал"дан Винисиус Жуниор трансферига жиддий сармоя киритишга тайёрлиги ҳақида маълумот эълон қилинди. "Қизил иблислар" ҳужумда Винисиус - Кунья - Мбеумо боғламини ҳосил қилмоқчи.
Манбага кўра, "Манчестер Юнайтед" Винисиус учун 200 миллион евролик таклиф тайёрламоқда.
Айтиш керакки, сўнгги ҳафта ва ойларда Винисиус Жуниорнинг келажаги "Реал" билан янги шартнома бўйича музокараларда футболчининг муаммолари ҳақидаги маълумотлар фонида муҳокама қилинмоқда. 25 ёшли бразилияликнинг амалдаги меҳнат шартномаси 2027 йилнинг ярмигача мўлжалланган.
