Fichajes portali jurnalistlari shov-shuvli insaydlar bilan muxlislarni xursand qilishdan charchamayapti. Ba’zilariga ishonish qiyin. Masalan, portal sahifalarida "Manchester Yunayted" "Real"dan Vinisius Junior transferiga jiddiy sarmoya kiritishga tayyorligi haqida ma’lumot e’lon qilindi. "Qizil iblislar" hujumda Vinisius - Kunya - Mbeumo bog‘lamini hosil qilmoqchi.
Manbaga ko‘ra, "Manchester Yunayted" Vinisius uchun 200 million yevrolik taklif tayyorlamoqda.
Aytish kerakki, so‘nggi hafta va oylarda Vinisius Juniorning kelajagi "Real" bilan yangi shartnoma bo‘yicha muzokaralarda futbolchining muammolari haqidagi ma’lumotlar fonida muhokama qilinmoqda. 25 yoshli braziliyalikning amaldagi mehnat shartnomasi 2027 yilning yarmigacha mo‘ljallangan.
