Joze Mourinyo yaqin orada Madridning «Real» klubi bosh murabbiyligiga qaytadi. The Touchline nashri bergan ma’lumotlarga ko‘ra, «The Special One» allaqachon madridliklar rahbariyatidan to‘rtta transfer nishonini sotib olishni so‘ragan.
Mourinyo «qaymoqranglilar» tarkibini quyidagi pozisiyalar bilan kuchaytirmoqchi:
-
Bir yoki ikkita markaziy himoyachi;
-
Bitta o‘ng qanot himoyachisi;
-
Bir yoki ikkita yarim himoyachi;
-
Bitta vinger.
Eslatib o‘tamiz, yakshanba kuni «Real» safarda «Sevilya»ni 1:0 hisobida mag‘lub etdi. Yagona gol muallifi hujumchi Vinisius Junior bo‘ldi. «Real» 2025/2026 yilgi mavsumning so‘nggi uchrashuvini shanba kuni, 23 may kuni Ispaniya chempionati doirasida o‘z maydonida Bilbaoning «Atletik» klubiga qarshi o‘tkazadi.
