"Астон Вилла" "Пари Сен-Жермен" ҳужумкор ярим ҳимоячиси Марко Асенсиони қайта ижарага олмоқчи.
Испаниялик футболчи Туркиянинг "Фенербахче" клубига ўтишга яқин эди, аммо молиявий сабабларга кўра музокараларни тўхтатишга тўғри келди. Энди эса 29 ёшли футболчи учун навбатдаги ижарага олиш истагида бўлган "Астон Вилла" баҳсга қўшилди, деб ёзади L’Equipe.
Эслатиб ўтамиз, Марко Асенсио ўтган мавсумнинг иккинчи қисмида бирмингемликлар шарафини ҳимоя қилган эди. Футболчи Унаи Эмери жамоаси сафида 21 та ўйинда майдонга тушиб, 8 та гол ва 1 та голли узатмани ўз ҳисобига ёздириб қўйган. Transfermarkt портали мутахассислари "Реал"нинг собиқ футболчисининг нархини 20 млн еврога баҳоламоқда.
