"Наполи" ҳужумчиси Жованни Симеоне "Торино"га ўтиш арафасида турибди.
Клублар оғзаки келишувга эришди - трансфер қиймати 8 млн еврони ташкил этади, дея таъкидламоқда инсайдер Фабрицио Романо. 30 ёшли футболчи неаполликлар "буқалар" таклифини расман қабул қилганидан сўнг тиббий кўрикка боради.
"Наполи" Жованни Симеонени 2023 йилнинг ёзида "Верона"дан 12 млн еврога сотиб олганди. Ўтган мавсумда форвард Антонио Конте жамоаси сафида барча мусобақаларда 33 та ўйинда майдонга тушиб, 2 та гол ва 2 та ассист муаллифига айланди.
