"Борнмут" марказий ҳимоячиси Илья Забарний ҳозирча "Пари Сен-Жермен"га ўтгани йўқ.
22 ёшли футболчи аллақачон француз клубига ўтишга розилик берган ва нима учун битим кечикаётганини тушунмаяпти, деб ёзади L’Equipe. "Олчалар" барибир парижликлар таклиф қилган шартларни қабул қилмади. Айни пайтда, манбанинг таъкидлашича, Англиянинг "Тоттенхэм" ва "Ньюкасл" клублари "Борнмут"нинг талабларини қондириб, футболчини илиб кетишга тайёр.
Илья Забарний инглиз жамоаси сафида барча турнирларда 86 та ўйин ўтказиб, биттадан гол ва голли узатмани амалга оширган. Transfermarkt портали унинг нархини 42 млн еврога баҳоламоқда.
