"Парма" марказий ҳимоячиси Жованни Леони "Ливерпуль"ни қизиқтириб қолди.
18 ёшли футболчи учун курашни "Ювентус", "Интер" ва "Милан" бир неча ойдан буён олиб бормоқда, энди эса умидли италиялик учун курашга хориж гранди қўшилиши мумкин. Инсайдер Фабрицио Романонинг ёзишича, "Ливерпуль" Леонининг ўйинидан ҳайратга тушган. "Қизиллар" келажак учун ёш марказий ҳимоячи изламоқда ва "Парма"даги истеъдод эҳтимолий нишонлардан бири.
Transfermarkt экспертлари Жованни Леонининг нархини 18 млн еврога баҳоламоқда, аммо "Парма" вундеркинд учун 35-40 млн евро сўрамоқда. Футболчи А Серияда 17 та ўйинда майдонга тушиб, битта гол урган.
