"Удинезе" ҳужумчиси Флориан Товен фаолиятини Францияда давом эттиради, деб хабар беради Foot Mercato.
Манбага кўра, трансфер қиймати 6 миллион еврони ташкил қилади. 32 ёшли француз 2028 йилгача мўлжалланган шартномага имзо чекади. Футболчи аллақачон Францияга учиб келган, у ерда уни пиротехникалар билан "Ланс" мухлислари оломони кутиб олган.
Transfermarkt портали футболчининг нархини 5 миллион еврога баҳоламоқда.
2024/25 йилги мавсумда Товен 26 та ўйинда 9 та гол урди ва 5 та голли узатмани амалга оширди. 2018 йилда вингер Франция терма жамоаси билан жаҳон чемпиони бўлганди.
