Мадриднинг "Реал" клуби ҳужумчиси Гонсало Гарсия клуб билан янги шартнома имзолайди.
Испанияликнинг амалдаги келишуви 2027 йил ўрталарида тугайди, бироқ у тез орада узайтирилиши кутилмоқда. Marca хабарига кўра, 21 ёшли ҳужумчи билан шартномани узайтириш деярли муқаррар - томонлар келишувга эришиш арафасида.
Гонсало Гарсия "қаймоқранглилар"нинг асосий жамоаси сафида 12 та ўйинда майдонга тушиб, бешта гол урди ва иккита голли узатмани амалга оширди. Ёш футболчи ёзда бўлиб ўтган клублар ўртасидаги жаҳон чемпионатида ўзини кўрсатди ва турнирнинг олтита учрашувида тўртта гол ва битта голли узатмани амалга оширди.
19 август куни Хаби Алонсо жамоаси Ла Лига 1-тури доирасида ўз майдонида "Осасуна"га қарши баҳс олиб боради.
