Испания терма жамоаси бош мураббийи Висенте дель Боске Конфедерациялар кубоги финалидаги мезбонларга йирик ҳисобда бой берилган учрашувдан сўнг Бразилияни ЖЧ фаворити экани ҳақида гапириб қолди. Интервью Marca нашрида чоп этилган.
"Ғалаба қозонишнинг қанчалик машаққатли эканини яхши биламиз. Баъзида мағлубиятга учраб туриш ҳам фойдадан ҳоли эмас, бу бизнинг мағлубиятга учрамас жамоа эмаслигимизни эслатиб туради.
Мағлубиятга қарамай, биз қийин учрашувда катта меҳнат қилдик. Ўз футболчиларимни табриклашни хохлардим.
Мухлислар ўйинчиларимиз билан фахрланишлари керак. Ҳозир уларни танқид қилиш эмас, мақтайдиган пайт.
Мағлубиятни қабул қилишимиз керак, лекин шу билан бирга бизда яхши ўйинчилар ва чиройли ўйин услуби борлигини ҳам унутмаслик лозим.
Бразилия - жаҳон чемпионати фаворити. Улар Конфедерациялар кубогида жиддий юксалишга эришдилар ва мусобақани юқори савияли ўйин билан якунладилар", деди Дель Боске.
