"Марсель" ҳужумчиси Мэйсон Гринвуд келажакдаги режаларини белгилаб олди.
Англиялик футболчини "Ан-Наср" ўз сафига қўшиб олмоқчи, бу ҳақда яқинда маълум бўлди. Журналист Руди Галеттининг маълум қилишича, ҳужумчининг ўзи трансферга қизиқиш билдирмоқда - у "Манчестер Юнайтед"да бирга ўйнаган Криштиану Роналду билан яна бир жамоада ўйнамоқчи.
Қайд этилишича, Мэйсон Гринвуд португалиялик футболчининг таклифига розилик билдирган, бироқ муаммо ўша-ўша - "Ан-Наср" "Марсель"нинг трансфер суммаси бўйича сўровини қондириши қийин бўлади.
23 ёшли футболчининг Transfermarkt порталидаги нархи 40 млн еврога баҳоланмоқда.
