"Инсайд от Карпа" телеграм-канали хабарига кўра, "Фейеноорд" ЦСКА билан келишувдан воз кечган. Москва клуби Нидерландия жамоасидан жазоирлик ярим ҳимоячи Рамиз Зеррукини ижарага олишни режалаштирган эди.
Дастлаб футболчининг трансфери келишиб олинган эди. Бироқ, "Фейеноорд" молиявий директори Россия клубига қўлланилган санкциялардан хабар топгач, барчаси барбод бўлди. Охир-оқибат барча музокаралар тўхтатилди ва Зерруки "Твенте"га ижарага берилди.
27 ёшли Рамиз Зерруки Жазоир терма жамоаси аъзоси ҳисобланади. 2017 йилдан бери Нидерландияда фаолият юритади. Ўтган мавсумда "Фейеноорд" сафида 22 та ўйинда майдонга тушиб, битта гол урган.
