"Челси" бош мураббийи Энцо Мареска жамоасининг қайси позицияси кучайтирилиши кераклигини айтди.
Премьер-лиганинг янги мавсуми бошланиши арафасида "кўклар" марказий ҳимоячи Леви Колвиллни йўқотишди - у хочсимон боғлам узилиши туфайли узоқ муддатга сафдан чиқди. Лондонликлар бош мураббийи клуб муҳим футболчига ўринбосар қидираётганини тан олди.
"Ҳимоя марказини кучайтириш - бизнинг устувор вазифамиз, Колвилл - фантастик ўйинчи. Ўтган мавсумдаги барча ютуқларимиз унинг ёрдамида қўлга киритилди. У биз учун жуда муҳим, доим асосий таркибда ўйнаган, унинг йўқлиги сезилади," - дея Маресканинг сўзларини келтиради журналист Низаар Кинселла.
17 август куни Англия чемпионати 1-турида "Челси" ўз майдонида "Кристал Пэлас"ни қабул қилади.
