Хавьер Маскерано МЛСда "Интер Майами"нинг "Орландо Сити"дан 1:4 ҳисобида учраган мағлубиятини баҳолади.
Лионель Месси жароҳати туфайли Майами клубида ўйнамади.
"Бугун бизда ҳеч қандай баҳона йўқ. Футбол - бу тактика, ташкилотчилик, истеъдод, аммо яккама-якка вазиятларда рақиб яхшироқ эди. Бугун эса бизда ғалабага чанқоқлик ва ютқазмаслик истаги йўқ эди.
Мен жуда хафаман, чунки футболда дейлик, мағлуб бўлишинг ҳам мумкин, менимча, керакли шиддат билан ўйнай олмадик.
Футболда ҳамма нарса оддий, лекин баъзида биз буни қийинлаштирамиз. 100 фоиз қаттиқ ўйнамасанг, исталган рақибга ютқазиб қўйишинг мумкин, бугун эса майдонда фақат битта жамоа бор эди - биринчидан сўнгги дақиқаларгача биздан тўлиқ устун келган "Орландо", - дейди "Интер" бош мураббийи.
