Александр Исак "Ньюкасл"да ўйнашдан бош тортмоқда ва "Ливерпуль"га ўтмоқчи, шунинг учун "ҳаккалар" ўзига янги ҳужумчи қидирмоқда.
Швециялик футболчининг ўрнига устувор вариант сифатида "Кристал Пэлас" вакили Жан-Филипп Матета кўрсатилган, деб хабар бермоқда журналист Руди Галетти. "Бургутлар" 28 ёшли футболчи учун тахминан 40 млн фунт (46 млн евродан ортиқ) сўрамоқда.
Александр Исакнинг сотилиши "Ньюкасл"га 130 млн евродан кўпроқ фойда келтириши мумкин. Ҳозирча "Ливерпуль"дан янги таклиф бўлгани йўқ.
Англия Суперкубоги доирасидаги сўнгги ўйинда Жан-Филипп Матета "Ливерпуль" дарвозасига гол урди. Ўтган мавсумда француз "Кристал Пэлас" сафида барча мусобақаларда 46 та ўйинда майдонга тушиб, 17 та гол урган ва 4 та голга ҳаммуаллифлик қилган.
