"Фенербахче" "Фейеноорд"га қарши ўз майдонидаги ўйинда 5:2 ҳисобида ғалаба қозониб, Чемпионлар Лигаси плей-офф босқичига йўл олди. Истанбул жамоаси бош мураббийи Жозе Моуриньонинг фикрича, кейинги рақиб - "Бенфика" "Фенербахче"га дуч келганидан мамнун эмас.
"Бенфика" "Фейеноорд" билан ўйнашни маъқул кўрарди. Улар бизнинг кучлироқ эканлигимизни, уларга осон бўлмаслигини билишади. Аммо келинг, ўйнаймиз - футболчилар ва мухлислар шуни хоҳлашади. Бу молиявий жиҳатдан ҳам, обрў-эътибор нуқтаи назаридан ҳам муҳим. Биз кучли рақибларга дуч келяпмиз. Аммо, очиғини айтсам, "Бенфика" бундан норози деб ўйлайман", - деди Моуриньо журналистларга.
"Фенербахче" ва "Бенфика" ўртасидаги биринчи ўйин 20 август куни Туркияда бўлиб ўтади.
