"Барселона" Ла Лига тиббий қўмитаси дарвозабон Марк-Андре тер Штегеннинг жароҳатини амалдаги регламентга кўра узоқ муддатли тикланиш мезонларига мос деб топганини маълум қилди.

Шу муносабат билан "кўк-анорранглилар" 14 август, пайшанба куни дарвозабон Жоан Гарсияни Испания чемпионатига рўйхатдан ўтказишни бошлайди.

7 август куни "Барселона" тер Штегенни июль ойида белида ўтказилган жарроҳлик амалиётидан сўнг Ла Лига тиббий комиссияси учун жароҳат тўғрисидаги ҳисоботни имзолашдан бош тортгани учун сардорлик боғичидан маҳрум қилгани маълум бўлди. Кейинроқ клуб дарвозабон барча керакли ҳужжатларни имзолагани, шу сабабли унга нисбатан интизомий иш ёпилганини маълум қилди. "Кўк-анорранглилар" немисга сардорлик боғичини қайтариб беришди.