"Barselona" La Liga tibbiy qo‘mitasi darvozabon Mark-Andre ter Shtegenning jarohatini amaldagi reglamentga ko‘ra uzoq muddatli tiklanish mezonlariga mos deb topganini ma’lum qildi.

Shu munosabat bilan "ko‘k-anorranglilar" 14 avgust, payshanba kuni darvozabon Joan Garsiyani Ispaniya chempionatiga ro‘yxatdan o‘tkazishni boshlaydi.

7 avgust kuni "Barselona" ter Shtegenni iyul oyida belida o‘tkazilgan jarrohlik amaliyotidan so‘ng La Liga tibbiy komissiyasi uchun jarohat to‘g‘risidagi hisobotni imzolashdan bosh tortgani uchun sardorlik bog‘ichidan mahrum qilgani ma’lum bo‘ldi. Keyinroq klub darvozabon barcha kerakli hujjatlarni imzolagani, shu sababli unga nisbatan intizomiy ish yopilganini ma’lum qildi. "Ko‘k-anorranglilar" nemisga sardorlik bog‘ichini qaytarib berishdi.