"Барселона" дарвозабони Жоан Гарсия ўзининг янги клубга ўтгани бўйича "Эспаньол" мухлисларининг бунга муносабати ҳақида гапирди.
24 ёшли дарвозабоннинг трансфери июнь ойида эълон қилинган бўлиб, шартнома 25 миллион еврога тушган.
"Эспаньол" мухлислари футболчининг бошқа Каталония клубига ўтиш қарорига жуда оғриқли муносабатда бўлди.
"Мен "Эспаньол" мухлисларини тушунаман, уларнинг дарди ва умидсизликларини тушунаман. Бу ҳақда ўйламаганман десам, ёлғон гапирган бўламан, лекин ўзим, оилам ва келажагим учун бу қарорни қабул қилишим керак эди", - дея Гарсиянинг сўзларини келтиради Barca Universal.
