"Barselona" darvozaboni Joan Garsiya o‘zining yangi klubga o‘tgani bo‘yicha "Espanyol" muxlislarining bunga munosabati haqida gapirdi.

24 yoshli darvozabonning transferi iyun oyida e’lon qilingan bo‘lib, shartnoma 25 million yevroga tushgan.

"Espanyol" muxlislari futbolchining boshqa Kataloniya klubiga o‘tish qaroriga juda og‘riqli munosabatda bo‘ldi.

"Men "Espanyol" muxlislarini tushunaman, ularning dardi va umidsizliklarini tushunaman. Bu haqda o‘ylamaganman desam, yolg‘on gapirgan bo‘laman, lekin o‘zim, oilam va kelajagim uchun bu qarorni qabul qilishim kerak edi", - deya Garsiyaning so‘zlarini keltiradi Barca Universal.