"Барселона" Ла Лиганинг АҚШдаги "Вильярреал"га қарши ўйини учун 5-6 млн евро олиши мумкин.
Аввалроқ, Ла Лига 17-туридан ўрин олган жамоалар ўртасидаги ўйин Майамида бўлиб ўтиши мумкинлиги маълум бўлганди.
Испания Қироллик футбол федерацияси ушбу ўйинни 20 декабрь куни Америка шаҳрида ўтказиш бўйича УEФАга сўров юборгани хабар қилинганди.
Diario Sport хабарига кўра, Испания футболчилари ассоциацияси (AFE) Ла Лига раҳбари ва RFEF витце-президенти Хавьер Тебас иштирок этмаган йиғилишда ушбу таклифга қарши овоз берган.
Аммо бу ташаббус якунда маъқулланса, "Барселона" ва "Вильярреал" молиявий компенсация олади.
Rac 1 маълумотига кўра, у 5 млн евродан 6 млн еврогача бўлади. Шу билан бирга, "Вильярреал" учун бу сумма бироз кўпроқ бўлади, чунки улар ўйин чипталарини сотишдан тушмаган пулларни қоплайди.
