"Barselona" La Liganing AQSHdagi "Vilyarreal"ga qarshi o‘yini uchun 5-6 mln yevro olishi mumkin.

Avvalroq, La Liga 17-turidan o‘rin olgan jamoalar o‘rtasidagi o‘yin Mayamida bo‘lib o‘tishi mumkinligi ma’lum bo‘lgandi.

Ispaniya Qirollik futbol federasiyasi ushbu o‘yinni 20 dekabr kuni Amerika shahrida o‘tkazish bo‘yicha UEFAga so‘rov yuborgani xabar qilingandi.

Diario Sport xabariga ko‘ra, Ispaniya futbolchilari assosiasiyasi (AFE) La Liga rahbari va RFEF vitse-prezidenti Xavyer Tebas ishtirok etmagan yig‘ilishda ushbu taklifga qarshi ovoz bergan.

Ammo bu tashabbus yakunda ma’qullansa, "Barselona" va "Vilyarreal" moliyaviy kompensasiya oladi.

Rac 1 ma’lumotiga ko‘ra, u 5 mln yevrodan 6 mln yevrogacha bo‘ladi. Shu bilan birga, "Vilyarreal" uchun bu summa biroz ko‘proq bo‘ladi, chunki ular o‘yin chiptalarini sotishdan tushmagan pullarni qoplaydi.