"Брайтон" хавбеки Факундо Буонаноттенинг Германия Бундеслигаси топ-клубларига ўтиш имконияти бор, деб хабар беради Kicker.
Манбага кўра, 20 ёшли аргентиналик ярим ҳимоячи учун курашда Леверкузеннинг "Байер" ва Дортмунднинг "Боруссия" клублари иштирок этади. Англияликлар истиқболли футболчи учун тахминан 45 миллион евролик таклиф олса, у билан хайрлашишга тайёр.
Ўтган мавсумда аргентиналик футболчи "Лестер" сафида ижара асосида 35 та ўйинда иштирок этган. Ярим ҳимоячи 6 та гол ва 3 та голли узатмага муаллифлик қилди. Буонанноттенинг "чайкалар" билан меҳнат шартномаси муддати 2028 йил июнь ойи охирида тугайди.
