"Байер" ҳимоячи Лоик Баде бўйича "Севилья" билан музокараларни давом эттирмоқда, бироқ томонлар ҳозирча келишувга эришмаган, деб хабар беради Diario de Sevilla.
Манбага кўра, испан клуби 25 ёшли француз учун 30 миллион евро олмоқчи, аммо леверкузенликлар бунча тўлашга тайёр эмас.
Шунингдек, "Интер" Бадега қизиқиш билдирмоқда ва футболчидан бошқа таклифларни рад этишни сўради, шунда миланликлар аввалига кимнидир сотишга улгуради.
Баденинг амалдаги шартномаси 2029 йилгача мўлжалланган. Transfermarkt портали футболчининг нархини 25 миллион еврога баҳоламоқда.
2024/25 йилги мавсумда ҳимоячи барча мусобақаларда 33 та ўйинда майдонга тушиб, 1 та гол урди ва 1 та голли узатмани амалга оширди.
