Лондоннинг "Арсенал" клуби бош мураббийи Микель Артета жамоа сардори Мартин Эдегорнинг етакчилик сифатлари ҳақида фикр билдирди.
Яқинда таниқли собиқ футболчи Тони Адамс "канонирлар" сардори ролига норвегияликдан кўра Деклан Райс кўпроқ мос келишини айтди.
"Ҳамманинг ўз фикри бор. Энг муҳими, футболчиларнинг ўзлари кимни сардор сифатида кўришни исташи, ким уларни қўллаб-қувватлаши, туртки бериши. Мартинда юзлаб хислатлар бор. Унга қойил қолиш ва ҳурмат уйғотиш учун ҳеч нарса айтиш шарт эмас. Кўпчилик омма олдида тинимсиз бақиради, ёпиқ эшиклар ортида эса ўзини бошқача тутади. Мартин унақалардан эмас. Мен унга 100 фоиз ишонаман," - дея Артетанинг сўзларини келтиради журналист Коннор Хамм.
