Шунингдек, «Андижон» жой олган «B» гуруҳида Қатаринг «Ал-Аҳли» клуби ҳам бор. Жамоамиз билан бир гуруҳга тушган «Ал-Аҳли» бошқалар қатори мухлисларда катта қизиқиш уйғотаётгани бор гап.

Қуръадан сўнг клуб матбуот хизмати «Ал-Аҳли» медиа офисери Ийса Малки билан суҳбатда бўлди.

— «B» гуруҳи хусусида фикрингизни билмоқчиман.
— Қуръа натижаси адолатли бўлди, ҳаммаси яхши. Бизга яхши жамоалар тушди. Ўйинларни интиқлик билан кутиб қоламиз. Худо хоҳласа, биз шу ерда бўламиз.

— Гуруҳда Марказий Осиёдан иккита жамоа. "Андижон” ва футболимиз ҳақида фикрингиз қандай?

— Бизда ўзбек жамоалари ҳақида айтарли тасаввур йўқ. Чунки биз биринчи марта ОЧЛда қатнашяпмиз. Қўлимиздан келганича ҳаракат қиламиз. Ўзбекистонга биринчи марта ташриф буюрамиз. Кўрамиз, бизнинг клуб гуруҳдан чиқадими? Мен сизларни жамоангиз ҳақида биринчи марта эшитяпман, Худо хоҳласа, бу яхши клуб.

— Гуруҳда асосий фаворит ким?
— Менда жамоалар ҳақида ҳеч қандай таассурот йўқ. Илгари бу жамоаларга қарама-қарши келмаганмиз. Балки Баҳрайн клуби билан тўқнаш келгандирмиз. Билишимча, яхшигина тўқнашув бўлади. Ўйин саналарини аниқ билганимиздан кейин жамоамизни тайёрлаймиз.