"Бавария" вингери Луис Диаснинг дебюти муваффақиятли чиқди. Шанба куни Венсан Компани жамоаси финалда "Штутгарт"ни мағлуб этиб (2:1), Германия Суперкубогини қўлга киритди, колумбиялик футболчи эса ғалаба голига муаллифлик қилди. Мюнхенликларнинг янги футболчиси 77-дақиқада гол урди.
«Жамоа билан иложи борича кўпроқ унвонларни қўлга киритмоқчиман. Мен йирик турнирларда ғолиблик учун курашадиган клубни танлашга ҳаракат қилдим. Бу ерга келганимдан хурсандман», - дея 28 ёшли футболчининг сўзларини келтиради Бундеслига матбуот хизмати.
"Бавария" Луис Диасни июль ойи охирида "Ливерпуль"дан 70 млн евро эвазига сотиб олганди.
