Ярим ҳимоячи Жейкоб Рэмси "Ньюкасл"га ўтиши ҳақидаги ҳис-туйғулари билан ўртоқлашди. Олдинроқ, "қарғалар" матбуот хизмати футболчининг "Астон Вилла"дан ўтганини расман эълон қилганди.
"Бу ерда эканлигимдан хурсандман. Охирги икки-уч кун ақлдан озган кун бўлди, лекин мен жуда хурсандман ва иш бошлашни интиқлик билан кутяпман. Бу мен учун катта қадам" - деди Рэмси клуб матбуот хизматига.
Футболчи ўзига бўлган шахсий қизиқишни мураббийдан билгач, дарҳол трансферга рози бўлганини таъкидлади. Рэмсининг "Ньюкасл"даги дебюти 25 август куни бўлиб ўтиши мумкин. Шу куни Эдди Хау шогирдлари "Ливерпуль" билан Премьер-лиганинг 2-турида ўйнайди.













