Аёллар ўртасида пляж футболи бўйича VII Ўзбекистон кубоги баҳслари бугун ҳам давом эттирилди. Куннинг дастлабки учрашувида “Машъал” ҳамда “Лочин” жамоалари ўзаро беллашишди. Унда муборакликлар 8:1 ҳисобида ғалаба қозонишди.

Иккинчи учрашувда Қаршининг икки жамоаси— “Олимпия” ҳамда “Севинч” жамоалари ўзаро куч синашишди.

Ушбу баҳсда “Севинч” қизлари 5:2 ҳисобида ғалаба қозонишди. Голларни “Севинч”дан Зебо Жўраева ҳамда Мария Моисиевалар киритишган бўлса, “Олимпия” голларига Мадина Юсупова ҳамда Муниса Қурбоновалар киритишди. Кейинги учрашувда “Шўртан” жамоаси “Ҳисор” жамоасини 5:2 ҳисобида мағлуб этди. Шаҳрисабзликларнинг иккала голини ҳам Хуршида Агаева киритди.

10. 07:00  “Машъал”-“Лочин” 8:1

11. 07:30  “Олимпия”-“Севинч” 2:5

12. 08:00  “Шўртан”-“Ҳисор” 5:2

Куннинг иккинчи ярмида Шаҳрисабзликлар ўзаро куч синашишган бўлишса, “Машъал” “Олимпия”ни, “Севинч” “Шўртан”ни мағлуб этди.

13. 17:00   “Хисор”-“Лочин” 6:3

14. 17:30   “Машъал”- “Олимпия” 3:1

15. 18:00   “Шўртан” -“Севинч” 0:6

Турнир жадвали:

Жамоа            Ў    Ғ    М     Т-Н

1. “Севинч”       5    5    0      34-7

2. “Машъал”      5    4    1     22-12

3. “Олимпия”     5    3    2     20-12

4. “Шўртан”      5     2    3    13-21

5. “Ҳисор”         5    1     4    14-27

6. “Лочин”        5    0     5     8-32

Турнирда иккинчи ўринни қўлга киритган “Машъал” футболчиларига эсдалик совғалари топширилди. Бош соврин ҳамда кубокни кутилганидек, “Севинч” футболчилари қўлга киритишди.

Шундай қилиб, пляж футболи бўйича аёллар ўртасида VII Ўзбекистон кубоги ўз ниҳоясига етди.

Пляж футболи бўйича эркаклар ўртасида VII Ўзбекистон кубоги баҳслари 4 июлдан старт олади.