Қанот ҳимоячиси Жед Спенс Лондоннинг "Тоттенхэм" клуби билан янги шартнома имзолади. Бу ҳақда "шпорлар" матбуот хизмати хабар бермоқда.
Таъкидланишича, 25 ёшли Спенс "Тоттенхэм" билан узоқ муддатли меҳнат шартномасини имзолаган. Битим тафсилотлари ошкор этилмаган, аммо хорижий матбуотга ишонадиган бўлсак, янги шартнома 2028 йил июнигача мўлжалланган.
Спенс 2022 йилнинг ёзида "Тоттенхэм" футболчисига айланган эди. У ўтган вақт давомида барча турнирларда 34 та ўйинда майдонга тушиб, иккита гол урди ва учта голли узатмани амалга оширди.
Transfermarkt портали маълумотларига кўра, Спенснинг нархи 20 миллион еврога тенг.
